Menu
1
დევგეითის შესახებ
დევგეითი არის IT საკონსულტაციო და პროგრამული უზრუნველყოფის კომპანია, რომელიც გთავაზობთ კრეატიულ და ეფექტურ გადაწყვეტილებებს, მაქსიმალურად ორიენტირებულს მომხმარებლთა მოთხოვნილებების დაკმაყოფილებაზე. დევგეითი დააფუძნა IT მიმართულების მქონე ძლიერმა გუნდმა, რომელსაც 15 წელზე მეტი ხნის გამოცდილება აქვს IT, პროგრამული უზრუნველყოფის, ინჟინერიის, ინფრასტრუქტურისა და კონსულტაციების მიმართულებით.
2
ძირითადი მიზანი
დევგეითის ძირითადი მიზანია მაღალი ხარისხის პროდუქციის შექმნა, კრეატიული და მაღალკვალიფიციური პერსონალის მეშვეობით, რომელიც მოწინავე ინფორმაციული ტექნოლოგიებით ხელმძღვანელობს. ინოვაციური მიდგომების, სანდო სერვისების შექმნისა და მომხმარებელთათვის ტექნოლოგიების რეალური პარტნიორის წოდების მოპოვების მიზნით, ჩვენი გუნდი, მუშაობის პროცესში, უახლეს მეთოდოლოგიასა და მრავალმხრივ ცოდნას ეფუძნება.
3
ძირითადი პრინციპები
ორგანიზაციის ძირითადი პრინციპია მივაღწიოთ უმაღლეს ხარისხს ჩვენი საქმიანობის სფეროში, მოვიპოვოთ პარტნიორების ნდობა და ჩვენს მომხმარებლებს შევთავაზოთ სრულყოფილი ბიზნესმომსახურება. ჩვენს კომპანიას სჯერა პარტნიორებთან გრძელვადიანი ურთიერთობის დამყარების შესაძლებლობის და, ამასთანავე, მიზნად ისახავს მომხმარებელთა მოთხოვნილებების მაქსიმალურად დაკმაყოფილებას.
About Us

ჩვენი სერვისები

IT ინფრასტრუქტურა

ლიცენზირების /ინსტალაციის /ფიზიკური მენეჯმენტის /ვირტუალური /ქლაუდი/ჰიბრიდული ინფრასტრუქტურის შექმნა, არსებული ინფრასტრუქტურის მოდერნიზება, აპარატურისა და პროგრამული ტექნოლოგიების, ქსელის მენეჯმენტის სისტემის და ქსელის უსაფრთხოების უზრუნველყოფა.

პროდუქტის განვითარება

ბიზნესის საჭიროებების შესახებ იდეების განხილვა, დოკუმენტის გააზრება, ბიზნესის მოთხოვნების შექმნა სამშენებლო გზების რუკის შედგენა, პროდუქციის სრული უზრუნველყოფის მიზნით, ტრენინგის ჩატარება.

პროექტის განვითარება

პროექტის დაგეგმვა, პროექტის დასრულება, პროექტის მონიტორინგი და პროექტის შედეგების გაკონტროლება.

არქიტექტურული გადაწყვეტა

მიიღეთ სრული საქმიანი გადაწყვეტილება, სრული ბიზნესპროექტის შექმნა, პროექტით დაინტერესებულ მხარეთათვის სტრუქტურის აღწერა, პროექტის განხორციელების მონიტორინგი და მუდმივი უკუკავშირი, პროექტის მიმდინარეობის მანძილზე.

პროგრამული უზრუნველყოფა

მთელი სისტემის დაპროექტება მიღებული მოთხოვნების საფუძველზე, სისტემის სტრუქტურისა და მისი თითოეული კომპონენტის შერჩევა. არქიტექტურული მიმოხილვა, საპროექტო დოკუმენტაციის შედგენა და მისის მხარდაჭერა. განვითარების ერთიანი სტანდარტების შექმნა.

მონაცემთა ბაზის გაცნობა

მონაცემთა ბაზის სტრატეგიის დაგეგმვა არქიტექტურის დიზაინი, მონაცემთა ბაზის მონიტორინგი, მენეჯმენტი, მონაცემთა ბაზის წარმოების რეგულირება, ჯანმრთელობის შემოწმება მონაცემთა ბაზაზე დაყრდნობით, აღდგენა, რეპლიკაცია, სინქრონიზაციის განახლება მიგრაცია.

ჩვენი გუნდი

თეიმურაზ ჯაფარიძე
თანადამფუძნებელი და მმართველი პარტნიორი
თეიმურაზ ჯაფარიძე გახლავთ პროგრამული უზრუნველყოფის მაღალკვალიფიციური ინჟინერ–არქიტექტორი, რომელსაც IT ინდუსტრიაში მოღვაწეობის 15 წელზე მეტი ხნის გამოცდილება აქვს. მან წარმატებით განახორციელა მრავალი მასშტაბური პროექტი, როგორც სამთავრობო, ისე კომერციული ორგანიზაციებისთვის. ამჟამად, ბატონი თემური იკავებს პროგრამის უფროსი ინჟინერ–არქიტექტორის თანამდებობას 3 მსხვილ ორგანიზაციაში. მას აქვს მაგისტრის ხარისხი ინფორმაციული ტექნოლოგიისა და კომპიუტერული მეცნიერების მიმართულებით, რომელიც წარჩინებით დაამთავრა.
იოსებ თუმანიშვილი
თანადამფუძნებელი, საინფორმაციო ტექნოლოგიების დირექტორი (CIO)
იოსებ თუმანიშვილს აქვს 18 წლიანი ინდუსტრიული გამოცდილება IT არქიტექტურისა და პროგრამული უზრუნველყოფის შემუშავების თვალსაზრისით. იგი გახლდათ მნიშვნელოვანი ფიგურა, რომელიც მრავალი პროექტისთვის არჩევდა მაღალი დონის დახვეწილ დიზაინს, პროგრამული კოდირების სტანდარტებს, ინსტრუმენტებსა და პლატფორმას. იოსებს აქვს გამოცდილება, როგორც ფართომასშტაბიანი პროექტების შემუშავების, ასევე – მათი დახვეწისა და განვითარების თვალსაზრისით.
ავთანდილ ყავრელიშვილი
თანადამფუძნებელი, საინფორმაციო ტექნოლოგიების დირექტორი (CTO)
ბატონმა ავთანდილმა წარმატებით განახორციელა USAID-ის, გაეროს განვითარების პროგრამის (UNDP) და სხვა საერთაშორისო ინსტიტუტების მიერ დაფინანსებული პროექტები. იგი ფლობს დოქტორის ხარისხს ინფორმაციული ტექნოლოგიებისა და მართვის სისტემების მიმართულებით. ბატონ ავთანდილს აქვს საჯარო და კერძო სექტორში მუშაობის 13 წლიანი გამოცდილება. ამასთან, იგი წარმატებით უძღვება საჯარო და კერძო ორგანიზაციებისთვის გამართულ ტრენინგებს.
ლევან მთივლიშვილი
თანადამფუძნებელი, პროგრამული უზრუნველყოფის მთავარი არქიტექტორი (CSA)
ლევანი გახლავთ კონტროლისა და მონაცემთა მართვის ავტომატიზებული სისტემების მაგისტრი. ბატონ ლევანს აქვს მუშაობის ცამეტ წლიანი გამოცდილება პროგრამული უზრუნველყოფის , ანალიზისა და არქიტექტურის დიზაინის შემუშავების, ასევე – მრავალი მასშტაბური პროექტის შექმნაში მონაწილეობის მიღების თვალსაზრისით.
ნოდარ სალუქვაძე
თანადამფუძნებელი, ვებ და მობილური გადაწყვეტილებების მთავარი არქიტექტორი
როგორც გამოცდილ და პროფესიონალ ვებ–დეველოპერს, ბატონ ნოდარს აქვს მრავალმხრივი პრაქტიკა დინამიური ვებგვერდებისა და მობილური აპლიკაციების შექმნის თვალსაზრისით. მისი პროფესიული ცოდნა და სამუშაო გამოცდილება მოიცავს ვებგვერდებისა და მობილური ტექნოლოგიების სისტემური უზრუნველყოფის ყველა ასპექტს.
დავით გაბუნია
აღმასრულებელი დირექტორი
დავითს აქვს 20 წელზე მეტი ხნის გამოცდილება იურიდიული და ასევე, მენეჯერული მიმართულებით, როგორც საჯარო, ისე კერძო სფეროში. მან კარიერა დაიწყო ფიზიკური და იურიდიული პირებისათვის საადვოკატო მომსახურების გაწევით, მათ შორის კონსულტაციებისა და სამართალწარმოების მომსახურების კუთხით. მას შემდეგ, რაც მან მუშაობა დაიწყო სსიპ - სახელმწიფო სერვისების განვითარების სააგენტოში, ბატონმა დავითმა მიაღწია მენეჯერულ პოზიციას, შეიძინა დამატებითი ცოდნა და უნარები, რაც ნამდვილად სასარგებლოა იმ თანამედროვე და სწრაფად მზარდ საზოგადოებაში, რომელშიც ჩვენ ვცხოვრობთ.
ელენე მჭედლიძე
უფროსი ბიზნეს-ანალიტიკოსი
ელენემ კარიერა დაიწყო, როგორც ბიზნეს-ანალიტიკოსმა და მონაწილეობა მიიღო სხვადასხვა ორგანიზაციის მიერ გამართულ კრეატიულ პროექტებში. იგი საკმაოდ კომპეტენტურია და დამაჯერებლად საზღვრავს ბიზნესის ნებისმიერ მოთხოვნას, რაც ეხმარება გუნდს ბიზნეს საჭიროების სამუშაო გადაწყვეტილებებად გარდაქმნაში.
გიორგი კუპრაშვილი
ინფრასტრუქტურის მთავარი ინჟინერი
გიორგი, როგორც ინფრასტრუქტურის ინჟინერი, კვალიფიკაციისა და 12 წლიანი მუშაობის გამოცდილების შედეგად, ერთ-ერთი წამყვანი სპეციალისტია თავის სფეროში. გიორგიმ წარმატებით განახორციელა მრავალი პროექტი უახლესი ტექნოლოგიების გამოყენებით, IT ინფრასტრუქტურის დაპროექტების, შექმნის, პროგრამირებისა და და მხარდაჭერის საკითხებში.
ირაკლი ნაზღაიძე
პარტნიორი საერთაშორისო ურთიერთობებში
10 წელზე მეტი სამუშაო გამოცდილება ფინანსურ სექტორში, მონაცემთა სტატისტიკური დამუშავების კუთხით. საბანკო და ინფორმაციული ტექნოლოგიების სფეროში წამყვან გერმანულ კომპანიებში მუშაობის რამდენიმე წლიანი გამოცდილებით ირაკლი ნაზღაიძე კომპანიის გუნდის ღირსეული წევრი და პარტნიორია საერთაშორისო ურთიერთობების მიმართულებით.
მამუკა კუპატაძე
წამყვანი მონაცემთა ბაზის ადმინისტრატორი, მონაცემთა სანახის არქიტექტორი
მამუკა კუპატაძე არის მაღალკვალიფიციური მონაცემთა ბაზების ადმინისტრატორი, მონაცემთა სანახის არქიტექტორი, რომლის 15 წელზე მეტ ხნიანი პროფესიული გამოცდილება მოიცავს როგორც კერძო, ისე საჯარო სექტორს. მამუკა სერთიფიცირებული პროფესიონალია, ის ფლობს MCP, MCSA, MCSA, MSTS სერთიფიკატებს.
მაღალი ხარისხის პროდუქტების შექმნისა და ტექნიკური უზრუნველყოფის მიზნით, ჩვენ ვიყენებთ უახლეს ტექნოლოგიურ მიდგომებს და პროგრამულ ინსტრუმენტებს..

ტექნოლოგიები, რომლებსაც ჩვენ ვიყენებთ

ჩვენი კომპანიის გუნდის გამოცდილება მოიცავს შემდეგ პროგრამულ ინსტრუმენტებს და ტექნოლოგიურ გადაწყვეტილებებს: Microsoft .Net /.Net Core, C #, VB.Net, ASP.Net, WCF, SOAP/REST WebServices, WinForms, WPF, Xamarin, MVC, JQuery, Html5, Angular Js, React Js, Vue Js, Microsoft SQL Server, SSRS, SSIS, MySQL, MongoDB, Postgres. SQL, SQL Lite, Redis, RabbitMQ, ZeroMQ და კიდევ სხვა მრავალს.

პარტნიორები.

ელკანა
ბიომშვენიერი ცხოვრებისათვის!